Schwiizer
Gstaltig

Köstömer-Expirienz- und Innovations-Beratig für Firmene in Moldau.
Schwiizer Qualität, dihei in Chișinău.

E falschi Richtig choschtet dich Chunde und Umsatz. Ich chume, bevor s Büdschee verteilt isch, oder wänn d Chunde abhaued.

Ich

Hoi, ich bi de Tim Schoch, en Schwiizer Sinior Köstömer Expirienz Konsältent und UX-Disainer, sit 2014 im UX, für es paar vo de gröschte Firmene vo de Schwiiz. Priisträger, Spiiker an internationale UX-Konferänze. Sit 2021 in Moldau dihei.

Wörkschops

Uf Änglisch, in Chișinău. Jede Wörkschop änded mit eme gschribene Bricht, am nächschte Morge i dim Poschtfach. Fixpriis, im Voruus offeriert.

Diskoveri Dei

Strategisch Wo inveschtiered mir als Nächschts?

Du gahsch use mit em eine Problem, wo sich z löse lohnt, de ideale Chunde, de Schwachstelle vo de hütige Dschörni und em Mass für de Erfolg.

Für de Verwaltigsrat, d Bsitzer oder d Programmleitig, wo entscheided, wo s nächschte Büdschee häre gaht.

  • Eis Problem-Steitment, vo allne im Ruum abgsägnet
  • Die zwei, drü Chundegruppe, wo zelled, ihri Dschörni mit em Produkt oder Sörvis und möglichi Lücke im hütige Aagebot
  • Erfolgsmetrike und Umfang klar definiert, bevor öpper öppis baut

Du überchunsch

  • Wäljuu Proposischen Känves
  • Köstömer Dschörni Mäp

Desischin Sprint

Taktisch Mir sind blockiert, wie wiiter?

Du gahsch use mit de Idee i ihrer schärfschte Form, eme Prototaip-Konzept für d Chunde und ere gschribene Entscheidig mit Begründig. D Diskussion änded an eim Tag, nöd i eim Quartal.

Für Gründer und Produktchef, wo e Idee händ, über wo s Tiim sit Wuche hin und här diskutiert. D Richtig staht, de Plan nöd.

  • D Idee, zueggschnitte uf die eint Wett, wo sich lohnt
  • Es Prototaip-Konzept, parat zum Teschte i de nächschte Wuche
  • Eis Blatt Entscheidig: d Wahl, d Gründ und was sie ändere würd

Du überchunsch

  • Liin Känves
  • Entscheidigs-Protokoll

Riäliti Tschegg

Operativ Warum funktioniert öppis nöd wie erwartet?

Dis Tiim macht föif Säschens mit Chunde, uf Rumänisch oder Russisch, am eigene Produkt oder Sörvis. Föif Säschens finded d Fehler, wo dich hüt Chunde choschted. Dis Tiim wiederholt d Methode jede Monet ohni mich.

Für s Tiim, wo es Produkt, en Sörvis oder e Äpp betriibt und no nie eme Chund bim Bruuche zuegluegt hät.

  • Es wiederverwändbars Teschtskript, gschribe und aagwändet vo dim Tiim
  • Föif moderierti Säschens, wo du gsehsch, was funktioniert und was nöd
  • En Bricht mit ere sortierte Lischte, was zerscht z flicke isch

Du überchunsch

  • Jusäbiliti-Bricht
  • Reinbou Spredschiit

Räpid Prototaiping Wiik

Taktisch Funktioniert das?

Föif Täg Räpid Prototaiping. Ich bring d Methode und s Prototaiping-Tiim, du bringsch s Gschäftswüsse und d Chunde-Insaits. Am Friitigabig häsch en funktionierende Prototaip, Fiidbäck vo ächte Chunde, en Insaits-Bricht und en Bäcklog. D Wuche isch intensiv. Buech sie nur, wänn dis Tiim voll debii si cha.

Für Firmene mit eme digitale oder physische Produkt oder eme Sörvis, wo lieber Sprüng mached als chlini Schritt. De natürlichi nächschti Schritt nach eme Desischin Sprint.

  • En funktionierende Prototaip vo dim Produkt oder Sörvis, digital oder physisch. Gspür, wie s funktioniert, bevor du s ganze Büdschee uusgisch.
  • Chunde-Säschens am Prototaip. Gou oder Nou-Gou, basiert uf Fakte, nöd uf Meinige.
  • Wuche vor de Konkurränz, i föif Täg.

Du überchunsch

  • Funktionierende Prototaip
  • Insaits-Bricht
  • Bäcklog

Bis föif Lüüt pro Wörkschop. E begränzti Zahl Täg pro Jahr.

So schaff ich

I zwei Wuche chunsch vom erschte Aaruef zum fertige Bricht.
(Vorbereitig Räpid Prototaiping Wiik: vier bis sächs Wuche)

  • Kenneleere

    1. En gratis erschte Aaruef.
    2. Du bestätigsch d Bstellig und zahlsch d Aazahlig.

  • Vorbereite

    1. Zwei Stund i dim Büro: ich lerne s Tiim kenne, du zeigsch mir Dokumänt und was ihr scho wüssed.
    2. Dänn lueg ich alles aa und mache sorgfältig en detaillierte Plan für de Wörkschop.
    3. Du bestätigsch en und ich buche de Ort und s Chätering.

  • Wörkschop

    1. Mir mached de Wörkschop.
    2. Am nächschte Morge isch de fertig Bricht i dim Poschtfach.
    3. E Wuche spöter gang mer en am Telifon dure und du entscheidsch, wie s wiitergaht.

Hopp, alüte!

Frage

Was isch bim Wörkschop debii?

  • D Vorbereitig mit dim Tiim und en detaillierte Plan, wo du bestätigsch.
  • De Wörkschop sälber, mit allem Material wo s bruucht.
  • De gschribe Bricht am nächschte Morge und en Aaruef e Wuche spöter, wo mer en dure gang.
  • De Ort und s Chätering.
  • Optional: Übersetzigsdienscht.

Was choschtet s?

En Fixpriis pro Wörkschop, offeriert nach em erschte Aaruef.
Kei Stundeaasätz.

I welere Sprach?

Änglisch. Rumänisch verstah ich s meischte. Wänn dis Tiim uf Russisch schaffet, oder ihr e Übersetzig vo Änglisch uf Rumänisch bruuched, bring ich en Übersetzer mit, gäge Uufpriis, oder ihr stelled eine.

Chönd mir s bi eus im Büro mache?

Nei. En Tapetewächsel hilft em Tiim bim Fokussiere und git dir vill besseri Resultat.

Die eint Uusnahm: en Riäliti Tschegg mit physische Tatschpoints, wo me nöd verschiebe cha, zum Bispil en Lade. Das mached mir im Voruus ab.

Wie stellsch Rächnig?

80% bi de Bstellig, de Rescht nach em Wörkschop.
2% Rabatt bi 100% bi de Bstellig.

Wänn du absaisch, überchunsch d Teil zrugg, wo ich no nöd gschaffet han. Wänn du de Termin verschiebsch, wärded d aagfallene Choschte verrächnet.

Kontakt

Buech de gratis erschti Aaruef. Schick zwei Zile über dini Situation und din Termin. Du überchunsch innert zwei Werktäg es Datum.

buna@swissdesign.md

swissdesign.md, Chișinău, Republik Moldau.